دهستههلات ل رۆژههلاتێ ژ جهمال عهبدولناسر ههتا حوسنى موبارهك
22/03/2011 02:50
دهستههلات ل رۆژههلاتێ ژ جهمال عهبدولناسر ههتا حوسنى موبارهك
سهبرى سلێڤانهيى:
ئهڤ بوويهرێن ڤێ داوييێ ل هندهك وهلاتێن عهرهبى دقهومن، نه ب سايا خوهشهوتاندنا هندهك كهسانه، يان ئينسياتيڤا هندهك سازى و دهزگههانه، بهلێ ب خواندنا ديرۆكا دهڤهرێ و حزبێن حاكم، ديار دبت كو سهرئهنجاما هندهك تهراكومێن ديرۆكى يه، كو دگهل دهمى كهڤتبوون سهرههڤ. ئهڤه سياسهتا جيهانى يه بۆ رامالينا دهڤهرا رۆژههلاتێ و سهرگرتنا ئێكك ژ پرۆژێن ئهمهريكى يه ل دهڤهرێ، كو مرۆڤهك ئازاد و خوهدان هزر و ئهقلهك ئازاد پهيدا ببت دا كو سهرهدهرى دگهل بهێته كرن. گهندهلى، تيرۆر، ههژارى، بێكارى، پاوانا دهستههلاتێ، ديكتاتۆرى و...هتد، نه ژنوو پهيدا بوونه ههتا كو ژنوو مللهتێن عهرهبى رابن سهرخوه، بهلێ ژ دهستپێكێ وهسانه. لێ ژبهركو سياسهت و ئاجندهيا هێزێن مهزن وهك ئهمهريكا و ئهورۆپا تژييه و هێژ دۆر نهگههشتبوو ڤان وهلاتان، لهورا گيرۆ ببوو. دياره پشتى عيراقێ، ئێدى دۆرا هندهك وهلاتێن دى يه وهك ميسر، يهمهن، سووريا و ئوردن. دوور نينه تيرۆر ژى وهك دياردهيهك بۆ وان وهلاتان بهێته تهسديركرن و وى جاخى ئهو ببێژن خوهزييا ب عيراقێ! ئهڤه نه قودرهتى يه، نه كارهكێ ئاسمانى يه، بهلێ زهمينى يه ب ئهقل، هێز و پلانێن ستراتيژى ڤه گرێداييه. ب كورتى يارييهكه ناڤێ وێ سياسهته و مهزن دلهيزن.
دهستههلات: دهربارێ دهستههلاتێ ئهرستۆ دبێژت: "دهستههلات گهندهلى يه و دهستههلاتا رهها گهندهلييا رهها يه"، جوداهى دناڤبهرا دهستههلات و بهرپرسيارييێ ده ههيه. تۆ ببى كهسهكێ بهرپرسيار جودايه كو تۆ ببى كهسهكێ دهستههلاتدار. ب تنێ هينگێ دهستههلات نابت گهندهل دهمێ هزر د پرسێن زيندى ده دكت و چارهسهرى و ئالتهرناتيڤان پێشكێش دكت، ب ئالاڤێن سهردهمانه سهرهدهرييێ دگهل دۆرهێلى بكت، سياسهتا وێ سينۆرێن پلان و بهرژهوهندێن وێ ببهزينت و هلگرا پهيامهكا مرۆڤايهتى و نيشتيمانى بت. دهستههلاتا گهندهل ئافاتان پێشكێش دكت ههروهك بێكارى، ههژارى، نهزانين، ستهم، ئاليسهنگى و هتد...! دهستههلاتا وهسا د گهل دهمى كفش دبت، چو مسداقييهت نامينت، يا باش ئهوه ئيستيقالێ بدت نهكو بهێته لادان، يان ب سۆز و پهيمانێن بهرهاڤێتى رايێ گشتى بخاپينت و ل دهمێ تهنگاسييان پهنايێ بۆ توندييێ ببت. مرۆڤ نهبوو دهستههلاتێ چێدبن، بهلێ دهستههلات ژبۆ مرۆڤى چێدبت. مرۆڤ ل كيژان دهڤهرێ بت، گهرهكه بوها و پرهنسيپێن سهرهكه يێن ژيانێ و ههبوونێ بپارێزت. جوداهى د ناڤبهرا مرۆڤى و بوونهوهرێن دى ده، هزره.
هزر: د پرسپكتيڤێ ديرۆكى ده، دياره هزر ل دهستپێكێ تهوتهمى بوو، پاشى ئهكليرۆسى بوو، پاشتر سحرى بوو، ل دوماهيكێ ئازاد بوو. واته، هزرا ئازاد ئێستگهها دوماهيكێ يه كو ب سايا وێ هندهك تێگههێن گرنگ وهك فهلسهفه و زانستى پهيدابوون. بههرا پتر ژ جڤاك و مللهتان هزرا ئازاد ههنه لهورا فهلسهفه و زانست ل ناڤ وان پێش دكهڤن، بهلێ ل ناڤ جڤاك و مللهتێن رۆژههلاتا ناڤهراستێ، ب تايبهت جڤاك و مللهتێ عهرهبى، هێژ هزرا ئازاد پهيدا نهبوويه. ئێكك ژ سهدهمێن سهرهكى بۆ نهبوونا هزرا ئازاد، ترسه. ترساندنا مرۆڤان ژ گهلهك تێگههێن دينى و دونيهوى، ههتا وێ رادێ كو مرۆڤێ رۆژههلاتى ژ سيبهرا خوه دترست. ئهوێ ترسێ نههێلايه مرۆڤ ل دووڤ راستييا تشتان بگهرت و ههگهر ههول ژى دا، مخابن ل جههكێ خهلهت لێ دگهرت. ئهرێ ما سهير نينه كو مرۆڤ ب خوه د ناڤ سياسهتێ و دينى ده بت، بهلێ چێنابت مايێ خوه تێبكت؟ ئهرێ مهعقووله مرۆڤ ئهندامێ خێزانهكێ يان سازييهكێ بت و ئاگهه ژێ نهبت؟ چما ب تنێ وهرگر بت ب تايبهت وهرگرهكێ پاسيڤ؟ بۆ نموونه: ل رۆژههلاتا ناڤهراستێ، چهند ژ سهدێ دوێرن دهربارێ دهستههلاتا سياسى، يان دينى بئاخڤن؟ چو كهسێ ههولدابا دهربارێ دهستههلاتا سياسى بئاخڤت يان پرسيارهكێ بكت، وهك خائين يان نهيار دهاته ل قهلهمدان. ژخوه دهربارێ دينى، ته ب سهرێ لێڤان ژى پرسيارهك دهربارێ مهسهلهيهكا دينى كربا، دا بێژن ئهڤه مولحيده، يان كافره! هندهك كهسێن سياسهتمهدار و ديندار ل رۆژههلاتێ دخوازن مرۆڤێ ساده كهر و لال و كۆره بت، لهورا هندى تۆ ببينى ئيرهابا فيكرى بكاردهينن. ئهڤ نه د سالحێ مرۆڤى ده، نه ژى د سالحێ دينى و سياسهتێ ده يه، بهلێ د سالحێ وان كهسان ده يه يێن كو ئيستيغلالا دينى و دهستههلاتێ بۆ بهرژهوهندا كهساتى و ئيدۆلۆژى دكن. ديانهت ل ناڤا جڤاكێن سڤيل، وهسيلهته ژبۆ هندهك غايهتێن ساز و زيندى وهك دلۆڤانى، دادوهرى، تهڤاهى و ميهرهدارى و فانكسيۆنا سهرهكى ژ ديانهتێ رێكخستنا جڤاكى و ژيانا ل سهر دونيايێ يه. بهلێ ل ناڤا جڤاكێن ئهبسهلووت، رهها و داخستى، ديانهت غايهته ههروهك ل ناڤ جڤاكێن عهرهبستانێ. بكارهينانا ديانهتێ وهكو وهسيلهت د بهرژهوهندا مرۆڤێ ئاسان ده يه، بهلێ وهك غايهت د بهرژهوهندا دهستههلاتان ده يه چونكى جۆره دۆگماتيزمێ (هزرا توند) و ههژارى و نهزانينێ پهيدا دكت، ئهڤه ژبلى ستهم و ديكتاتۆرييێ. كى وه دكت كو ديانهت ببت غايهت؟ ئهز دبێژم دهستههلات ب تايبهت دهستههلاتا سياسى نهخاسمه ههگهر بێ هلبژارتن بهێته سهر حوكمى ههروهك دهستههلاتێن جيهانا عهرهبى! د پرانييا دهمان ده ئهو دهستههلات دخوازت بۆ ههڤسهنگييا خوه، ههڤپهيمانهكێ پهيدا بكت، ل دهمێ پێدڤى بكاردهينت ب تايبهت وهختێ بهحسێ ئازادى و مافێ مرۆڤى دهێته كرن. دهستههلاتا سياسى ههبوونهكا بهروهخت لێ سينۆردار ددت دهستههلاتا دينى و ئهڤا دوماهيكێ ژى شهرعييهتێ و عهمرهكێ درێژ ددت يا سياسى و مينبهرا خوه بۆ وێ بكاردهينت. مادهم مرۆڤى ئهقل ههيه، ئهو ئهقله ژبۆ بكارهينانێ يه، ههگهرنا ههبوونا وى زێده يه. دهمێ ئهقل كارێ خوه دكت، هزر و پرسيار پهيدا دبن، مرۆڤ ل راستييێ دگهرت، بهلێ دهستههلاتا سياسى و دينى ل رۆژههلاتێ ب توندى بهرانبهر مرۆڤێن خوهدان ئهقل و هزر راوهستيان و هندهك گۆتنێن كرێت د دهرحهق وان ده هينان سهر زمان وهك: "من تفلسف تزندق". ئهو بوو كو ئهقلدار و هزرمهندێن مينا "فارابى، ئيبن روشد، ئيمام غهزالى" ئێشاندن و هندهكێن دى ژى وهك "حهلاج و سوهرهوهردى" تيرۆر كرن. سياسهت نه بهحره بهلێ وه دبێژن دا كو مرۆڤ ژ خهندقاندنێ بترست. سياسهت زانسته و ههركهسێ ساز دكارت فێرببت ئهڤجار پراكتيزه بكت. تێگههێن زيندى وهك "دين، فهلسهفه، زانست، سياسهت و...هتد" ههموو ژبۆ خزمهت و بهرژهوهندا مرۆڤى و ژيانا وى ل سهر دونيايێ پهيداببونه ژبهركو ئهو مرۆڤ بوهاداره. هندهك جاران مرۆڤ دكارت ديندار بت و دههمان دهمى ده ئازاد و خوهدان ماف بت، بهلێ مخابن ئهڤه وهك ديارده دناڤا جڤاكێ رۆژههلاتى ده، گهلهكا كێمه. ل ناڤا جڤاكێ ڤهكرى، دين ب هزرێ ڤه گرێداييه و كهسێ ديندار ب شێوهيهكێ ئازاد پراكتيزا ئهرك و مافێن خوه يێن سهر دونيايێ دكت، ب سايا ديندارێن خواندهوار و زانا، دينێ وى دبت ژێدهرهك بۆ ئهقل، هزر و ئيرادهيا وى، دبت پرهك بۆ جيهانهكا رۆنيدار، دبت وهسيلهتهك بۆ هندهك غايهتێن مهزن و هێژا، كو دئهنجام ده تهڤايا مرۆڤايهتييێ مفايى ژێ وهربگرن. بهلێ ل ناڤ جڤاكێن داخستى، ب تايبهت ل ناڤا عهرهبان، دين نهبوويه هزر بهلێ ب مهزههرى و بزاڤێن لهشى ڤه گرێداييه، ئهو ژى وهك ئهخلاقى، لهورا كهسێ ديندار هێدى هێدى دبت كهسهكێ راديكال يان فاندهمانتاليست، ئهڤجار ئهرك و مافێن خوه يێن سهر دونيايێ ئيهمال دكت، دينى دكت ديوارهك دناڤبهرا خوه و جڤاكى ده، يان دكت سهدهمهك بۆ بێتفاقى و فتنێ.
عيراق: ل عيراقێ دينى نهشيايه خزمهتا مرۆڤێ عيراقى بكت، دبت نه گونهها دينى بت، بهلێ گونهها زهلامێن دينى يه. زهلامێن دينى ژبلى فتنه، كوژتن، تهخهلوف و تيرۆرێ، تشتهك دى پێشكێشى مرۆڤێ عيراقى نهكرنه. جوداهييا مهزههبان ل عيراقێ بوو بههانهيهك سهرهكى بۆ ئيستيغلالا دينى ب درێژييا ديرۆكا دينى و ههتا نها ژى. دين، يان پێستركهك يان ژى پهردهيهك بوو، مفايێ وى بۆ دهستههلاتێن سياسى و دينى ب تنێ بوو، كو ههردوو تهمامكهرێن ههڤدوو نه. ئهرێ چو مايه و عيراقێ ب جاڤێ سهرێ خوه نهديتبت؟ كودهتا، نسكۆ، شكهستن، تهپهسهرى، جينۆسايد، بوهژاندن يان ئاسيميلاسيون، كێمياوى، ئهنفال، گۆرێن ب كۆم، وێرانكرنا سترهكتۆرا ئابۆرى، ئێش و نهساخى، ههژارى، ديكتاتۆرى، فتنه، فهرمان، كۆنفليكتێن مهزههبى و ئهتنيكى و...هتد؟ سالا 2011 ێ يه و ژنوو كهسهكێ ديندار وهك (حارث الضاري) ئهميندارێ گشتى يێ ههيئهتا زانايێن سوننه، ئوستادێ شهريعهتا ئيسلامى يه ل زانكۆيا بهغدا، ب بستههى فهتوهيا كوژتنێ دژى كوردان و داخوازێن وان وهك فيدرالييێ ددت! ئهرێ ئهڤه مفايى يان زيانێ دگههينت ناڤ و سومعهتا دينى؟ ئێكهتييا زانايێن ئيسلامى ل كوردستانێ، ههلويستێ خوه دياركر، بهلێ گهرهگه ههر كوردهك خوه بهرپرسيار ببينت و وێ پهيامێ رهد بكت. حارسێ زارى ب تنێ ئيمتيداده بۆ كولتورهكێ نهساز كو سهرۆكێ عيراقێ يێ داكهتى ژى چێكربوو، ب سانههى مللهت ب سهرده دبر دهمێ ل پێشييا خهلكهكێ نڤێژا جماعهتێ دكرى و پۆستهرێن وى ل مزگهفت و پهرستگههان دهاتن هلاويستن. هينگێ گهلهك ژ زهلامێن دينى دبوون سيخور و گهلهك ژ سيخوران دبوون زهلامێن دينى، ل دهمهكێ كو سهروهت و سامانێ سهدام حسێنى (8) ههشت مليار دۆلار بوو زێدهبارى ئهمبارێن زێرى و (170) سهد و حهفتێ قهسرێن مهزن سهرانسهر عيراقێ ههبوون! كهسهكێ وهسان ژ سالا 1979 ههتا 2003 ێ حوكم ل عيراقێ دكر، ههموو ژى ب سايا ئيستيغلالا دينى و بسهردهبرنا مللهتێن عيراقێ، ههتا وێ رادێ كو ئيديعائێ بكت كو ئهو ژ مالباتا مهحهمهد پێغهمبهرى يه و گهلهك دينداران ب ههردههـ تلان شههده ددان.
میسر ژى وهك دهولهتهك عهرهبى، كو ناڤێ وێ ئيجبته، ژ ئهقبات هاتييه، ئيديعائهكا مهزن ب رێنسانسا ئيسلامى دكت و ب سايا مهزگهفتا ئهلئهزههر، بوويه قيبلهنامهك سياسى و تهشريعى بۆ جڤاكێ ئيسلامى. بهلێ ب درێژييا ديرۆكا خوه، دهولهت سهرێ زهلامێن سياسى و دينى، چو نهمايه و ميسرێ ب جاڤێ سهرێ خوه نهديتبت. ژبهر كو مللهتێ ميسرى وهك مللهتێ عيراقێ سهرهدهرى دگهل دينى كر، لهورا ئهينى سهرئهنجام دگهل پهيدابوون. سالا 2011 ێ يه و هێژ چاردهه مهليۆن ميسرى ههژارن و نانێ رۆژێ ل وان ههسرهته، رێژهيا نهخواندهوارييێ ههژدهه مهليۆن كهسن، واته ئێكك ژ سێ مرۆڤان نهخواندهاره، پرسگرێكێن ههرى سهرهكه و دۆمدرێژ: ئاكنجيبوون، بێكارى، ههژارى، فرۆتنا ئهندامێن لهشێ مرۆڤان، ديكتاتۆرى، گهندهلى و...هتد، ل دهمهكێ كو سهرۆكێ وان حوسنى موبارهك سيه ساله حوكمى دكت، ئهو ژى د مهديا و راگههاندنێ ده نڤێژێ ل پێشييا خهلكهكێ دكت، سهروهت و سامانێ وى گههايه پتر ژ (40) چل مليار دۆلاران، پتره ژ پارهيێ د بانكا ناڤهندى ده هلگرتى كو ب تنێ (36) مليار دولاره. خواندهڤانێ هێژا، ههگهر سهرۆك حوسنى موبارهك سهروهتا خوه ل وهلاتێ خوه مهسرهف بكت، بهينه بهرچاڤێ خوه كانێ ميسر دێ چهند پێشكهڤت؟ من نهڤێت نڤيسارا من ل سهر حهسابێن سهرۆكێن عهرهبان بت، چونكى ههگهر وهسا بت دڤيا بهحسێ موعهمهرێ قهزافى ژى بكم كو سهروهت و سامانێ وى گههايه (80) ههشتێ مليار دۆلاران و عهلى عهبدولا سالح (11) يانزدههـ مليار دۆلاران ، ههروهسا شاهێ عهرهبستانا سهعوودى (19) نووزدهه مليار دۆلار، شاهێ مهغربێ مهحهمهد (2) دوو مليار دۆلار، سهرۆكێ سووريا بهشار ئهسهد (40) چل مليار دۆلار و...هتد. ئهڤه ژبلى شاه و ميرێن كهنداڤێ عهرهبى كو سهروهت و سامانێن خهيالى ههنه.
پهياما سهرۆكێن عهرهبى:
د ڤان ههيامان ده، پشتى سهرهلدانا مللهتێن ميسرى بهرانبهرى دهستههلاتا سهرۆكێ وان حوسنى موبارهك، من ب فهر ديت كو ئهز ئهقلێ سهرۆكێن عهرهبى بخوينم، دا ئهم پتر د وان بگههن. ئهز دخوازم دوو نموونهيان بۆ خواندهڤانێن هێژا بهينم و هێڤيدارم هزرا موقارهنهكێ بكت.
پهياما سهرۆكێ ميسرى جهمال عهبدولناسر ل رۆژا 9/6/1967 ێ، پشتى شكهستنا ديرۆكى بهرانبهرى ئيسرائيلێ. ل دهستپێكا پهياما خوه، وهتهرێ عاتيفێ ل نك مللهتێ ميسرى ئازراند دهمێ گۆتى: "أيها الإخوه: لقد تعودنا معاً فى أوقات النصر وفى أوقات المحنه.. فى الساعات الحلوه وفى الساعات المره؛ أن نجلس معاً، وأن نتحدث بقلوب مفتوحه، وأن نتصارح بالحقائق، مۆمنين أنه من هذا الطريق وحده نستطيع دائماً أن نجد اتجاهنا السليم، مهما كانت الظروف عصيبه، ومهما كان الضوء خافتاً" دياره ب تنێ دهمێ محتاجى مللهتى دبن دبێژن (أيها الأخوه) ، پاشى ههولددت وهتهرێ نهتهوهيى، كو گهلهك حهساسه ل نك مرۆڤێ عهرهب، بئازرينت، دهمێ دبێژت: "هناك خطه من العدو لغزو سوريا..." ههول ددت ههڤدهنگى و ههڤسۆزييا مللهتێ سوورى پهيدا بكت، ئانكۆ ب دهورێ قوربانى رادبت دهمێ دبێژت: " ولقد وجدنا واجباً علينا ألا نقبل ذلك ساكتين، وفضلاً عن أن ذلك واجب الأخوه العربيه، فهو أيضاً واجب الأمن الوطني؛ فإن البادئ بسوريا سوف يثنى بمصر" بهلێ هێژ نكارت ژ كۆمپلێكسا غرۆرێ و عرۆبهتێ خلاس ببت دهمێ دبێژت: "ولقد تحركت قواتنا المسلحه إلى حدودنا بكفاءه شهد بها العدو قبل الصديق..." ئێكسهر خوێ ل برينێن مرۆڤێ ميسرى دكت دهمێ دبێژت: "آثار العدوان الثلاثي الذى وقع علينا سنه ١٩٥٦. ولقد كان مرور علم العدو أمام قواتنا أمراً لا يحتمل، فضلاً عن دواعى أخرى تتصل بأعز أمانى الأمه العربيه..." ئهڤجار ل شوونا كو ئيعتيرافێ ب درێغى و خاپاندنا خوه بكت، پهنايێ بۆ هزرا ئيمپريالى دبت و وان گونههكار دكت دهمێ دبێژت: " أن العدو الذى كنا نتوقعه من الشرق ومن الشمال جاء من الغرب؛ الأمر الذى يقطع بأن هناك تسهيلات تفوق مقدرته، وتتعدى المدى المحسوب لقوته، قد أعطيت له. إن الدلائل واضحه على وجود تواطوء استعمارى معه..." و ژبۆ كو حوكمێ خوه دۆم بكت، ترسێ دئێخت ناڤ هناڤێن مللهتێ ميسرى ده دهمێ كو بهحسێ پێشهاتان دكت، دبێژت كارهكێ مهزن ل پێشيا مه يه، دڤێت ئهم شوونوارێن دژمنى نههێلن و يهكهتييا نهتهوهيى يا عهرهبى پهيدا بكن. ههروهسان ئيسرائيل خهتهرهكا مهزنه ل سهر مه و دڤيا ئهم بهێز بهرانبهرى وێ راوهستن و مه پێ چێدبت. لێ، نها ژ ههردمهكێ لێبۆرين و ههڤگرتنا عهرهبى پێدڤى يه! نهخوه پشتى كو ههستێن مللهتى ئازراندى و ئهو ژ خهتهرا قووناغا داهاتى ئاگههداركرى، ژ نوو خوازت نههێن خوه ب سهر دههێن مللهتى بئێخت دهما بريارهكا نهژدل دايى كو حوكمى و دهستههلاتێ بهێلت، گۆت: "لقد قررت أن أتنحى تماماً ونهائياً عن أى منصب رسمى وأى دور سياسى، وأن أعود إلى صفوف الجماهير، أوءدى واجبى معها كأى مواطن آخر..." وهك هندهك ژ قهلهمدارێن عهرهب، ئهز ژى هزر دكم كو لازمه وى تهحهمولا بهرپرسيارييێ كربا و ل شوونا كو بريارهكا وهسا دابا، پتر خوه بهرههڤكربا و شكهستنا خوه قهرهبوو كربا. بهلێ دياره ئهو دهستههلاتدار بوو، نهكو بهرپرسيار بوو. ئهها ل ڤێدهرێ جوداهى دناڤبهرا دهستههلاتێ و بهرپرسيارييێ ده ديار دبت. دياره ئهوى موخاتهبا ههست و نهستێن مللهتى كر، نهكو موخاتهبا ئهقلێ وى. ئهز نابێژم جهمال عهبدولناسر سهرۆكهك يان كهساتييهكا خرابه، نهخێر، بهلێ ئهو ميناكهكه بۆ ئهقل و پهياما دهستههلاتا عهرهبى. نها، پشتى چل و چار سالان، ديسان سهرۆكهكێ ميسرى بهلێ ڤێ جارێ حوسنى موبارهك دهێت و پهيامهكێ ئاراستهيى مللهتێ ميسرى دكت. ئهڤه بوويهرا يۆليۆس قهيسهرى دهينت بيرا من دهمێ كو كاسيۆس (سهرۆكێ عهرهبى) كۆدهتايێ دكت و دخوازت برۆتۆس (مللهت) حوكمى بكت، بهلێ پاشى مارك ئانتۆنى (ئۆپۆزسيۆن) دهێت و خيتابا خوه پێشكێش دكت. ل دوماهيكێ كاسيۆس (سهرۆكێ عهرهبى) دشكێت و مارك ئانتۆنى (ئۆپۆزسيۆن) بسهردكهڤت. نها ژى راڤهكرنا هندهك ژ خيتابا سهرۆك حوسنى موبارهكى كو ل رۆژا 28/1/2011 ێ پێشكێشى مللهتێن ميسرى كرى. ل دهستپێكێ دبێژت: "الإخوه المواطنون، أتحدث إليكم في ظرف دقيق يفرض علينا جميعا وقفه جاده وصادقه مع النفس، تتوخى سلامه القصد وصالح الوطن..." ئهرێ كهنگى ئهوى سهرهدهرى دگهل ههڤوهلاتييێن ميسرێ وهك (الإخوه المواطنون) كرييه؟ پاشى ب بستههى بهحسێ ئازادييا دهربرينێ دكت دهمێ دبێژت: "كانت تعليماتي للحكومه تشدد على إتاحه الفرصه أمامها للتعبير عن آراء المواطنين ومطالبهم..." ل دهمهكێ كو گرتيگههـ و زيندانێن ميسرێ پرن ژ ئازاديخواز، ئاشتيخواز و مافخوازان. پاشتر ههولددت فتنێ پهيدا بكت و شهرم و شكهستنا خوه ب كراسێ نهرمى و حهليمييێ بگوهۆرت دهمێ دبێژت: "ثم تابعت محاولات البعض لاعتلاء موجه هذه التظاهرات والمتاجره بشعاراتها وأسفت كل الأسف لما أسفرت عنه من ضحايا أبرياء من المتظاهرين وقوات الشرطه..." ئهڤجار ئيجتيهادێ دكت و ههولددت واته و رامانهك كهساتى، ل گۆر بهرژوهندا حوكمێ خوه، دهربارێ ئازادى و ههرايێ بدت دهمێ دبێژت: "إن خيطا رفيعا يفصل بين الحريه والفوضى، وإنني إذ أنحاز كل الانحياز لحريه المواطنين في إبداء آرائهم..." لێ هێژ دووباتێ ل سهر ههلويستێ خوه يێ ديكتاتۆرانه دكت و خوه ب خوهدانێ ئێكانه يێ ميسرێ ل قهلهم ددت دهمێ دبێژت: "أتمسك بذات القدر بالحفاظ على أمن مصر واستقرارها وعدم الانجراف بها وبشعبها لمنزلقات خطيره تهدد النظام العام والسلام الاجتماعي..." ئاخر مللهتى سهرهلدا، ما كهنگى مللهتهكێ دى ژ كهوكهبهك دى هاتييه و سهرهلدايه؟ ئهڤجار ديسان ههولددت وهتهرێ نهتهوهيى كو بيست و دوو دهولهتان ب خوهڤه دگرت، بئازرينت و ترسهكێ ل جهم مللهتێن عهرهب پهيدا بكت، كو چارهنڤيسێ وان ب يێ ميسرێ ڤه گرێداييه دهمێ دبێژت: "علينا أن نحاذر مما يحيط بنا من أمثله عديده انزلقت بالشعوب إلى الفوضى والانتكاس، فلا ديمقراطيه حققت ولا استقرارا حفظت..." ئانكو ئهزموونا عيراقێ ب فهشهل ل قهلهم ددت. لێ ژبهركو مهسهله جدى يه، ئهقلێ باتنى دئاخڤت و ئيعتيرافێ دكت، دبێژت: "لقد جاءت هژه التظاهرات لتعبر عن تطلعات مشروعه لمزيد من الإسراع لمحاصره البطاله، وتحسين مستوى المعيشه ومكافحه الفقر والتصدي بكل حسم للفساد..." بهلێ چما بهرى هينگێ وى ههولنهدايه وان پرسگرێكان (بێكارى، ههژارى و گهندهلييێ) چارهسهر بكت؟ چما ئينكارا ههبوونا وان دكر؟ د ههياما سيه سالان ده نهشيا، تۆ بێژى ژ نوو بشێت؟ دبێژت ژى كو ئهو ب ئێش و ئازارێن مللهتێ ميسرى ئاگههداره ل دهمهكێ كو سهروهت و سامانێ وى ب خوه گههايه (40) چل مليار دۆلاران. ههروهسا دبێژت : "إن شباب مصر هو أغلى ما لديها، وهي تتطلع إليهم كي يصنعوا مستقبلها..." بهلێ پرانييا وان شهبابان ل گۆرستانان ئاكنجى نه، ههژار و بێكارن، ناهێنه دامهزراندن و گهلهك ژوان قهستا ئهورۆپا دكن و دبن "أيدي عامله". ههروهسا ئيديعائێ دكت كو ئازادى و ديمۆكراسى دێ پهيدا بت، مللهتێ خوه چهند خشيم و دهبهنگ دبينت! سيه ساله حوكمى دكت و هێژ پهيدانهكرييه، ژنوو دێ ههولدت پهيدا بكت دهمێ دبێژت: "إن اقتناعي ثابت لا يتزعزع بمواصله الإصلاح السياسي والاقتصادي والاجتماعي، من أجل مجتمع مصري حر وديمقراطي، يحتضن قيم العصر وينفتح على العالم..." ههروهسان خوه دكت بابێ فهقير وژاران بهلێ ديسان دبێژم كو سهروهتا وى گههشتييه نێزيك چل مليار دۆلاران! ب مهليۆنان كهس دهركهتن سهر جادان و گۆتن دهركهڤه ژ ميسرێ، بهلێ هێژ ئهو ل سهر نهه و دهها خوه يه و دبێژت: "إن ما حدث خلال هذه التظاهرات يتجاوز ما حدث من نهب وفوضى وحرائق لمخطط أبعد من ذلك، لزعزعة الاستقرار والانقضاض على الشرعيه..." ل دوماهيكێ ههول ددت ب رولێ خهمخوهرى و خوهدانى رابت و شيرهتان ئاراستهيى ههڤوهلاتييان دكت، دبێژت: "إنني أهيب بشبابنا وبكل مصري ومصريه مراعاه صالح الوطن، وأن يتصدوا لحمايه وطنهم ومكتسباتهم..." ئهرێ تۆ بێژى مهسلهحهتا ميسرێ بۆ خوهدانێ سهروهت و سامانهك وهسا مهزن گرنگ بت؟ مهسلهحهتێ ب مانا خوه ل سهر كورسييێ ڤه گرێددت! ئهڤه سهرێ سيه سالانه چو پويته ب گهنجان نهدايه، چو دهليڤه بۆ ئازادييا دهربرينێ نههێلايه، بێكارى هێژ وهكى خوه يه، هێژ مللهتێن ميسرى د قهبرستانان ده ئاكنجى نه، هێژ كچا ميسرى قهيره يه، جحێلێ ميسرى ل ميترۆپۆلێن ئهورۆپا نێچيرا ئهنتهرپۆلى يه، هێژ ئۆپۆزسيۆن قهدهغهيه و د سهر ڤێ ههموويێ ره گهف و تههديدان ل مللهتى دكت دهمێ دبێژت: "لن أسمح بذلك أبدا، لن أسمح لهذا الخوف بأن يستحوذ على مواطنينا، ولهذا التحسب بأن يلقي بظلاله على مصيرنا ومستقبلنا..." ژبير دكت كو ههمان (مواطنن) دژى وى و حوكمێ وى رادبن. دياره كو مللهت ژ سهربۆرێن ههڤدوو فێر دبن، بهلێ سهرۆك فێرنابن! ههگهر حوسنى موبارهكى ب راستى باوهرى ب هێز و ئيرادهيا مللهتێ ميسرى ههبا، دا رێزێ لێ گرت و ب سهرفرازى ئيستيقالا خوه دت، بهلێ دياره وى باوهرى ب مللهتى نينه، ههردهم سهرشۆر و ملكهچ ديتييه و ئهڤه گونهها مللهتى ب خوه يه، كو وهسان خوه نيشادابوو. مهسهلهك ميسرى ههيه دبێژت: "یخاف مایختشیش" واته "دترست بهلێ شهرم ناكت". دياره سهرۆكێن عهرهب راهاتنه كو ههتا ههتايێ حوكمى بكن، يان ب ئينقيلابێ يان ب مرنێ دێ كورسييا حوكمێ هێلن. د گوهێ ههڤدوو ده بانگداينه و ههتا رۆژا ئينقيلابێ يان مرنێ بلا ههر سهروهتا خوه زێده بكن و مللهتێن وان ژ برسان ده بمرن. لێ مهسهلهك كوردى دبێژت: "چێل مر و دهو برها" ڤێجا...!